déi Lénk hu vill Gesiichter. Mir sinn eng villfälteg Beweegung. Bei eis ginn et keng Parteipresidenz, keng Beruffspolitiker a keng Hierarchie. Eis Leit, déi eis no bausse Vertrieden sinn eis zwee Spriecher. An eis Leit déi, di politesch Orientéierung vun déi Lénk zesummen decidéieren, sinn vertrueden an der Nationalkoordinatioun (NAKO).
Spriecher
André Marques
Den André Marques ass 1995 am Pafendall als Kand vu portugisesche Migrante gebuer. Säit 2009 lieft hien zu Beetebuerg. Hien huet Geschicht op der Uni Lëtzebuerg a Prag studéiert a schafft säit 2022 als fräiberufflechen Historiker mam Schwéierpunkt 2. Weltkrich. 2022 ass hien déi Lénk bäigetrueden an ass säit 2023 aktiv um nationale politesche Plang engagéiert.
Den André war vun 2023 bis 2025 Co-Spriecher vun déi jonk Lénk. Säit 2022 ass hien am Comité vun de Frënn vum Resistenzmusée zu Esch a säit 2025 Co-Spriecher vun déi Lénk.
Carole Thoma
D’Carole Thoma ass 1990 zu Diddeleng gebuer an ass zënter de Walen 2023 am Diddelenger Gemengerot. Hatt huet Bauingenieurwiesen zu Kaiserslautern studéiert a schafft als Bauingenieurin zu Lëtzebuerg. Wärend dem Studium ass hatt 2011 Memberin bei déi Lénk ginn a war als éischt an der nei gegrënnter Sektioun zu Diddeleng aktiv, éier hatt sech och op nationalem Niveau politesch engagéiert huet. Zënter 2015 ass hatt Co-Spriecherin vun déi Lénk.
Nieft der Politik setzt sech d’Carole och um gewerkschaftlechen Niveau an. Als Studentin ass hatt Memberin vum OGBL ginn a setzt sech aktuell als Personaldélégéiert an sengem Betrib an. Zënter 2019 ass hatt och Memberin an der Chambre des Salariés.
National Koordinatioun (NaKo)
De Kongress wielt all Joer eng National Koordinatioun (NaKo). Dëst Gremium ass zueleméisseg onbegrenzt, muss awer paritär besat ginn. All Member ka kandidéieren an all Member vun déi Lénk kann un de Versammlungen deelhuelen. D’Walen vun de NaKo’s Memberen, fonctionéiert nom Prinzip vun der Geschlechts paritéit. Dat heescht et kennen nëmmen sou vill männlech Membere gewielt ginn ewéi weiblech Memberen. D’NaKo féiert déi Lénk dat ganzt Joer iwwer, hëlt déi wichteg politesch a finanziell Entscheedungen.
Memberinnen vun der NaKo (gewielt den 27.04.2025 vum Kongress)
- ARENDT Patrizia
- CORREIA DA VEIGA Ana (Co-Präsidentin NaKo)
- ERPELDING Thessy (Trésorière)
- GÖKSOY Esin
- GUSKOWSKI Leonie
- MOUSEL Tania
- OBERWEIS Nathalie
- OÉ Julie (Co-Präsidentin NaKo)
- PENNING Yoon
- REULAND Nathalie
- ROSAS MACEDO Liliana
- SMIT Julie
- THOMA Carole (Co-Spriecherin)
- URBANY Katia
- WIES Line
Männlech an Non-Binär Memberen vun der NaKo (gewielt den 27.04.2025 vum Kongress)
- ALIJAJ Feliz
- BAUM Marc (Deputéierten)
- BILTGEN Laurent
- BURGGRAFF Marc
- DA RE Fabio
- DEMORANVILLE Sean
- DIDERICH Gary
- MARQUES André (Co-Spriecher)
- MULLER Ben
- REES Tom
- SPIGARELLI Andrea
- STIEBER Mara
- SULJIC Alija
- TEIXEIRA LOPES Claudio
- WAGNER David (Deputéierten)
Koordinatiounsbüro (BuCo)
Dat alldeeglecht politescht Liewe vun déi Lénk gëtt vum Koordinatiounsbüro (BuCo) organiséiert a besteet aus maximal 9 Memberen aus der NaKo. Hei gi Woch fir Woch organisatoresch, finanziell an administrativ Froe gekläert an d’politesch Aktualitéit suivéiert a kommentéiert. De BuCo ass och de Chef vum Personal vum Mouvement vun déi Lénk. D’Personal begleet déi verschidde Gremien an hirer Aarbecht an hëlleft d’Decisiounen ëmzesetzen.
D’Membere vum Koordinatiounsbüro (gewielt den 7. Mee vun der Nationaler Koordinatioun)
- ERPELDING Thessy (Trésorière)
- THOMA Carole (Co-Spriecherin)
- BURGGRAF Marc
- DEMORANVILLE Sean
- MARQUES André (Co-Spriecher)
- DIDERICH Gary
- MULLER Ben
